Fè nou défèt sa ki pou fèt .
Còd nwè . awtik 58 . Nou ja konnèt .
Pou tousa ki poko vwè ki lentansyon a sé kolonialis-la , ki pa paré lagé sé béké-la anba zongonn a sé sovaj Gwada-la , an ka " prédit " sa ki Kay rivé adan lé mwa ki ka vin .
si an kapab "pré-dit " zòt sa ki kay fèt , apa paskè an ka fè vodou oben an sé on gadèdzafè . awa ! men sé davwa Tousa pou fèt , paskè nou an lojik a systèm a kolonialis-la .
fè nou toujou mèt an tèt an nou , nou adan on goumé kont pwofitasyonis . ki vlé di , kont kolonialis épi konplosité a béké ki ka èspwaté pèp nèg é pèp Gwadloup ja tini plis ki 400 lanné .é mantalité a yo pa paré chanjé .
Konpòwtasyon-la yo tini jodijou , sé menm-la yo téja tini , an tan nanninannan , dèpi pwèmyé komès a nèg a yo . davwa , dèpi nèg ka éséyé déjouké kò a yo anba dominasyon a èsklavajis é kolonialis , sé bawbaw rasis-la toujou sèvi épi on métòd oben on lwa a yo ki ta yo , pou tòtyé pèp Gwadloup é tout dòt pèp tout koté asi latè.
dayèpouyonn , sé épi menm jèsmakak a yo-la-sa , yo té détwi pwemyé lit a Libérasyon a Konsyans a Pèp nèg an Gwadloup, ki téka pòté asi ispiritialité , mès é labitid a nèg . davwa , sé épi kòd nwè-la , yo téja koumansé mèt chenn an konsyans a nèg , épi awtik 2 la , men osi awtik 3 la ki téka anpéché tout nèg sanblé pou palé dè pon kalité rèlijion a blan , dòt ki rèlijion katolik apostolit é romen ,é kanta ispiritialité a nèg ki téka chèché sav sa yo yé , pa menm palé !
é sé pouki , jodila , 95 % a pèp Gwadloup zonbifié ,é ka lyanné kò a yo adan on rèlijon ki ka maré konsyans a yo , sa ki ka anpéché yo vwè pli lwen ki bout a né plat a yo .
an-nou sonjé ! pani lontan ankò . sété le 19 févwiyé-1er maws 1968 . Le GONG téka sibi jèsmakak a lwa a sé bawbaw-la. davwa Le GONG téka goumé pou on dwa natirèl ,on dwa ki kréyatè-la menm pépa kontèsté , ki sé libérasyon a pèp é péyi Gwadloup anba Pwofitasyon a plantokrat fwansé an konplosité épi dé tètalak a béké . Mouvman-la-sa téja koumansé on dòt fwa ankò Liberé Konsyans a Pèp Gwadloup .
| é sé konsa nou vwè an maws é mé 67, pèp Gwadloup lévé gawoulé pou té mandé kolonialis é béké arété pwofitasyon oben sòti an péyi-la. davwa , sé travayè-la é tout pèp-la téja paré pou pa kité pon kalité bann béké woumèt lèsklavaj an péyi-la . men kon adan labitid a sé |
Kolonialis-la , manblo a yo jiré , tchouyé é krazé pèp é péyi Gwadloup . é pou kaché tout krim é masak yo té fè , léta kolonial épi awtik 88 é 91 a lwa a kòd pénal a yo . akizé jénès a pèp-la pou rèsponsab a tout bab-la-sa . kifè , apwé tout penn é peripési moun a Le GONG pasé anba men a radyo , jounal , télé é "jistis" a kolonialis-la , pèp la fini pa ba (mouvman kont pwofitasyon) Le GONG do ,kifè y disparèt . é sé konsa kolonialis kontinié bonbansé alèz an péyi an nou , pannan pèp-la téka kontinié pwan bon fè .
men kolonialis-la paka fè pwofitasyon asi yenki Gwadloupeyen é moun ki adan péyi kolonizé , men y ka fè-y asi tout nèg . sé konsa nou vwè on dòt jèsmakak a kolonialis-la , on mèwkrèdi 26 jwiyé 2006, épi on dékrè yo pwan adan konsèy a minis a yo , asi fondal a on lwa a 10 janvyé 1936 a yo ki ka pwévwa on démantibilasyon épi on dékrè a pwézidan a répiblik a yo , kont tout Lyannaj oben sanblaj moun téké fè asi on mové lentansyon .
jèsmakak-la-sa , sété pou baré van a on jenn nèg fwansé , ki téka goumé pou Libérasyon a Konsyns a Pèp nèg, an péyi fwansé . é gouvèlman a péyi-la-sa pa ézité violé tout lwa a jistis a démokrasi a repiblik-a-y pou té nèy mouvman-la-sa , ki téka mandé yenki jistis pou pèp nèg a péyi fwansé .
jodijou , sé Lyannaj Kont Pwofitasyon ki yo vlé fè pé.
alòs , épi on dòt lwa a yo ,yo kay pwévwa a on dòt jèsmakak pou éséyé fè LKP pé .
apwé tout lé pli gran jounal , radyo , télé , é sit entèwnèt a péyi a yo di ki LKP sé on bann a tonton makout , sé téworis , rasis , yo ka fòsé patwon sinyé papié , yo ka mennasé vi a moun ,yo ka pwan moun an otaj , é onlo dòt titimbwasèt .
apwé ki tout politisyen a gouvèlman a yo an liyannaj épi bwabwa politik an-nou kondané mòvé konpòwtasyon ki tchap a LKP téké tini , yo ké fini pa fè moun ki pa véyatif , bwè dlo-mousach pou lèt .
alòs menmsi toumoun sav ki tousa sé pawòl a manti mantè , afòs toumoun tann li é vwè tout jès a makak , toumoun ké oblijé aksèpté "vérité" a kolonialis-la .
Davwa , kolonialis-la tini tout pouvwa a kontwolé konsyans a pèp an nou . kolonialis-la kontèt pwéparé-w pou wousouvwè on kamo san sa tòtòy lèspwi aw .
é , mi sé konsa , on jou ou ka lévé , é ou ka tann , li é vwè , san sa chouboulé konsyans-aw , jistis a létat kolonial kondané LKP davwa LKP té di é LKP té fè .
yo ké di-w yo kondané tchap a LKP a 1 éro synbolik tousèl . é san apèl .
pou lésé-w konpwann ki sa pa ayen . alòs ou ké di : "ay tchip! sa pa ayen". davwa ou téka atann vou a 3 a 5 lanné lajòl é omens 20000 éro kont tchap a LKP.
pétèt ou ké jous hélé woulo ! nou pwan yo !
ében , zòt ka pèd fil a zòt . davwa dé twa mwa apwé LKP ké péyé 1 éro synbolik-la , léta kolonial ké voyé on ti démo maké kon tala ba yo .
Alòs moun a LKP , Pwéparé Zòt wousouvwè on ti lèt ki ka sanm tala .
| MINISTERE DE L’INTERIEUR ET DE L’AMENAGEMENT DU TERRITOIRE DIRECTION DES LIBERTES PUBLIQUES ET DES AFFAIRES JURIDIQUES N° 0000 |
le 1 juillet 2009 Monsieur,
Je vous informe que le gouvernement a l’intention de proposer au Président de la République la dissolution, sur le fondement du 6° de l’article 1er de la loi du 10 janvier 1936 sur les groupes de combat et milices privées, du groupement de fait "Lyannaj Kont Pwofitasyon", dont vous êtes un responsable.
Ces dispositions prévoient que "seront dissous, par décret rendu par le Président de la République en Conseil des ministres, toutes les associations ou groupements de fait (...) qui, soit provoqueraient à la discrimination, à la haine ou à la violence envers une personne ou un groupe de personnes en raison de leur origine ou de leur appartenance ou de leur non-appartenance à une ethnie, une nation, une race ou une religion déterminée, soit propageraient des idées ou théories tendant à justifier ou encourager cette discrimination, cette haine ou cette violence".
Le groupement de fait "Lyannaj Kont Pwofitasyon" propage des idées et des théories racistes tendant à justifier et encourager la discrimination, la haine et la violence envers les personnes en raison de leur origine ethnique . Cette propagation se fait, notamment à travers les communiqués du groupement et les publications sur son site internet, mais également par le biais de l’organisation d’actions visant directement les personnes à l’encontre desquelles l’hostilité du groupement est dirigée, comme ce fut le cas, en particulier le 5 mars 2009 sur RFO , lors d’une émission télévisuelle un responsable du Lyannaj Kont Pwofitasyon c'est rendu coupable de provocation à la haine raciale dont le but rechercher était une tentative d'extorsion de signature par l’affrontement physique avec certains membres de cette communauté.
Conformément à l’article 24 de la loi n°2000-321 du 12 avril 2000, relative aux droits des citoyens dans leurs relations avec les administrations, il vous appartient de présenter vos éventuelles observations dans le cadre de la procédure contradictoire prévue par la loi précitée. Je vous prie de me les faire parvenir dans le délai de dix jours à compter de la notification de la présente lettre à l’adresse suivante :
Ministère de l’intérieur et de l’aménagement du territoire
Direction des libertés publiques et des affaires juridiques
Une éventuelle décision d’engager la procédure de dissolution de votre association n’interviendra qu’au terme de ce délai.
Je vous prie de croire, Monsieur, à l’expression de ma considération distinguée.
Le sous-directeur des libertés publiques et de la police administrative,
Le sous-directeur des libertés publiques et de la police administrative
entewdi LKP téké vlé di anpéché tout sendika lyanné kont pwofitasyon . Sa vlé di rétablisman a lèsklavaj an péyi an nou .
si zòt di sa péké anpéché sendika sanblé asi on dòt non ki LKP , tini on dòt jèsmakak ki ké fèw chanjé lidé .
awtik 431-15 a nouvo lwa a kòd pénal .
alèkilé ou pwéparé , pa di dèmen ou pa paré
K Nou Yé. over-blog.com