LKP péké pé

NASYON GWADLOUP

Kontan vwè zòt asi K Nou Yé

undefined

..

.

K Nou Yé

Kamispirit

Kamo Blòg

Bik a Foutbòl

KIVLEDI

K Nou Yé TV

K Nou Yé RADYO

Dòt Byten

Yé Krik

Liyannaj

Kimoun an Yé

Miss Gwadloup Entèwnasyonal Contest

Pawòl Palé

Déklarasyon a dwa a moun .
Artik 18
Toutmoun lib dè ni lidé y vlé , konsyans ay lib , é ni dwa ni rèlijyon la y vlé la sakivlédi kè y pé chanjé rèlijyon si y vlé , oben kwè adan sa y vlé , y pé fè toumoun sav an ki rèlijyon y yé oben adan kayé y ka kwè , tousèl ou évè dòt moun , douvan pèp-la oben douvan serten moun, épi lansèynman, pwatik, sèvis-la épi fè sérémoni a yo.

Artik 19
Toutmoun dwèt lib dè ni lidé la yo vlé la épi, yo dwèt lib dè di sa yo vlé , kidonk dwa pou yo pa enkiete yo a koz lide a yo épi dwa tou pou yo chèche, resevwa epi tou piblye , san konsiderasyon fwontiè, enfòmasyon ak lide pa nenpot ki mwayen ki ekziste pou yo piblye yo .

Dé Mo Kat Pawol a Willie lynch

Pa oublyé kè zòt dwèt monté sé vyé mal nèg la kont sé jenn mal nèg la , zòt dwèt sèvi épi sé èsklav pli nwè la kont sé èsklav mwen nwè la , sé èsklav mwen nwè la kont sé èsklav pli nwè la , fè zòt itilyzé sé fimèl la kont sé mal la ,et sé mal la kont sé fimèl la , zòt dwètèt fè an sòt osi ki ,sé bòn blan a zòt la épi sé kontmèt la ka méfié yo dè tout sé kalyté nèg la sa , men sa inpòtan kè èsklav a zòt ka fè zòt confiant é ka dépann dè zòt . Yo dwèt enmé zòt , rispèkté zòt , é fè yenki zòt konfians .

Còd nwè
Awtik 3
Nou ka entèwdi tou kalyté rèlijyon dòt ki rèlijyon katolik . apòstolit é womenn . nou ka mandé kè yo fann tchou a tout mòvénèg konmsi sété on mawon oben on malmaké siwvwè yo paké rispèkté lod la sa . nou ka entèwdi tout sanblé pou sa. padavwa nou ka di kè sa mové , sa sovaj , sa ké menné nèg an mawonaj , é nou ké fann tchou a tout sé mèt-la si yo kité sa fèt é yo ké soufè pou èsklav a yo .

Zòt ka vwè K nou yé toupatou asi latè

K Nou Yé.over-blog.com

______________________

Alèla moun ki ka vwè K Nou Yé

.

<< tansyon ! MAM sé on fanm a... Radio Colonial des Iles >>

20 novembre 2008 4 20 /11 /novembre /2008 05:32

                            LKP péké pé !

Pèp-la sanblé pou fè on Lyannaj é nou di : Nou bon épi tout Pwofitasyon. I lè pou nou arété sa an péyi an nou.
Zòt di : Quand les nègres auront faim , ils reprendront le travail . Men nou di zòt ; awa! nou paka kriyé chyen bopè pou zo . é jous a jodi nou poko mò fen .
Zòt di : de toute facon , Konplo a nèg sé konplo a chyen . Men nou tout sav sé pawòl manti a mantè , davwa. , chyen paka fè chat .
Zòt di : la dignité est une nourriture que les nègres ne digerent pas . Men nou fè zòt konpwann ki , filozofi a chyen sé zaboka pouwi .
alòs zòt paté pé tann plis , é zòt voyé manblo pou di nou : Pé !
nou di : AWA !
LKP péké Pé paskè nou pa pè . pwan pawòl-la jan zòt vlé , Men nou péké pé.
Nou pa pè kolonialis rasis ni manblo a zòt . Davwa nou ja paré . Nou sav ka zòt yé , nou ja vwè sa zòt pé fè lè zòt Pépa . Sonjé mé 67 ! Zòt paté pé fè nou pé , alòs zòt voyé manblo a zòt pou pété tchou a pèp-la , pou té fè-y pé.  Zòt vlépa réglé pwoblèm LKP pozé pou détòtyé péyi an-nou anba pwofitasyon, alòs zòt vlé fè nou arété palé pawòl vérité .
men sav ki , LKP péké pé .
LKP dékouvè manjékochon a èsklavajis an konplosité épi kolonialis rasis ki ka okipé péyi an nou épi manblo é "jistis" a zòt .
Zòt tout sé pwofitasyonis-la-sa ké péyé tout lajan zòt dwé pèp-la dèpi nanninannan jous a jodijou . sou pa sou . sou pa sou . sou pa sou . men zòt ké péyé-y jous a dènyé sou-la . Alòs zòt pé fè sa zòt vlé , men ,  LKP péké pé ! L . K . P péké pé ! pwan pawòl-la jan zòt vlé . men nou ja pwan asé . é nou péké pwan pon kalité béké fè sa yo vlé an péyi an nou .
Nou paré pou arété sa !
nou péké pé ankò ! Pwan-y jan zòt vlé , men LKP péké pé .
zòt fè nou pè é pé tro lontan . zòt fè nou konpwann ki nou paté pé . é zòt fè tousa zòt té pé pou té fè nou konpwann ki nou péké pas nou pépa . é menm lè zòt di " ensemble tout devient possible " , zòt mèt nou apa . pas zòt di , zòt péké pé épi nou .
Menmsi onlo adan nou té sav nou té pé san zòt , men nou konpwann ki pèp-la patéko paré , pas yo té pè. davwa zòt lagé an tandé a pèp-la , fò nou pé pas nou pépa . é sé yenky zòt ki pé pou nou.
jouskatan on boug sòti la y sòti é y hélé : Yes we can ! zòt tout viré gadé-y , zòt vwè-y nwè , é zòt di, "awa misié pépa".
Y wou-hélé Yes we can ! Fòs y wouklé , onlo adan zòt ki téka di y pépa ,bigidi , zòt tchoulé dèyè . Zòt pwan pè , paskè zòt vwè, misié paté paré pé .
é sé lè zòt konpwann ki Nonm-la-sa téja konpwann y té pé pas y paté pè. Mi bab !  zòt tout ozabwa é zòt pwan pè , lè zòt tann "Yes we can !" dé mo kat pawòl a nonm ki té pé é ki paté pè pou té ay pété chenn pou Libérasyon a Konsyans a Pèp .

Yes we can ! sé pouki LKP péké pé .

Sé pouki , moun ki ka Mandé lanmou é lapé san mandé jistis , péké jen pé sipòté LKP pas LKP péké jen pé .