Radio Colonial des Iles

Mercredi 28 janvier 2009 a 4è mwen10  an tann asi répondè a Radio Colonial des Iles , on moun ki téka vomi asi nèg . Y di konsa : la ki ni nèg tini mizè , nèg ni malédisyon , nèg pabon . y konté onlo dòt titinbwasèt asè do a nèg. an antann on dòt ki téka kriyé moun a péyi-la pou lévé gawoulé kont ripwézantan a Lyannaj Kont Pwofitasyon (LKP) . Y mandé pou té mèt ripwézantan a LKP déwò an péyi-la , é y mandé pou arété balan a ripwézantan a LKP. ponmoun pa kouyon ankò. toumoun konpwann ka-y té vlé di . mwen an tann é konpwan ki répondè a Radio Colonial des Iles  téka mandé moun  fouté ripwézantan a LKP atè . 

Radio Colonial des Iles  sav ki tout sé pawòl la-sa sé pawòl rasis é pawoòl ki pé menné moun a tchouyé moun . Radio Colonial des Iles  paté oblijé pasé sé kalité pawòl-la-sa asi radyo a-y , davwa sé byten ki anrèjistré . men Pouki  y ka fè-y kanmenm . 
menm sé menm radyo-la-sa ki paka pwan moun palé dè blan davwa yo ka di sé métropolitain pou di . é kanta malpalé métropolitain pa menm palé . ou pé rivé tini onlo pwoblèm.
Radyo la sa , sé on radyo ki pa enmé nèg , é y ka apwann nèg a pa rèspèkté yoé pa enmé yo . é sé radyo la sa osi ki ka ba lé béké , é kolonialis blan tousa pouvwa asi pèp gwadloup . davwa sé béké é kolonialis ki ka nouwi sé kanklo-la-sa.
Radio Colonial des Iles  sé on radyo ki hay nèg , kivlédi Gwadloupéyen osi .