Gwadloupéyen ki enmé pèp ayisyen sé on danjé ba fwansé
Ki entérè fwansé tini kè gwadloupéyen hayi ayisyen é ayisyen pa enmé gwadloupéyen. Dabò pou yonn tou lé dé pèp la sa , yo sé pito nèg , yo tou lé dé ka palé kréyòl épi fwansé é yo tou lé dé pwan on tchò fwèt anba zongonn a fwansé. Dèpi nannynannan , gwadloupéyen évè ayisyen sé dé pèp ki toujou maché tèt kolé. pèp ayisyen sété on èkzanp a dinyité é fòs ba gwadloupéyen , men osi ba tout nèg a karayb la. sa ki nowmal pas yo soufè anba jouk a sé menm kolonialys la. fwansé , anglé , pannyòl. men sé yenki ayisyenki réisi a kasé bèk a yonn adan yo ki sé fwansé. lèwvwè pèp ayisyen fè valé a napoléon ki sé Rochambeau foukan ogalo apwé y pwan on kapikèt. E sé pousa fwansé swèf ayisyen toujou.Ayity sé on péyi , la yo ka fè kréyòl pasé pou pwoumyé lang a péyi la Ayiti sé on péyi ki poko dévlopé'y é ki ka mandé yenki sa Mwen an tan kè gwadloupéyen ,an ka di kè on gran mòso a divini a pèp gwadloup é ékonomy a gwadloup téké pé pasé pa ayiti ki sé on gran payi kon 15 fwa gwadloup. Nou gwadloupéyen ki sé on pèp enstwi , diplomé , fowmé , èkspérimanté , kréyolofòn , nou tini tout sa ki fo pou nou té pé ay an ayity dévlopé péyi la , men sa téké osi on gran débouché ékonomik epi sosyal é osi dòt rylasyon ankò antrè gwadloup évè ayity. Men sé sa Kolonyalis fwansé "yo ankò" yo vwè gran bonè é sé pousa yo ka chèché a mèt dézòd antrè gwadloupéyen é ayisyen. sé pou sé dé pèp la sa hayi yo. pou yonn pa palé épi lot , pou yonn lènmi a lòt. on liannaj a ayisyen e gwadloupéyen sé on danjé ba fwansé.Yo vlé fè nou konpwann kè ayisyen ka vin an péyi la volé tout travay a gwadloupeyen, alòs kè tout moun sav kè 90% a ayisyen ki ka travay an gwadloup , ou ka touvé yo si chantié oubyen yo ka travay tè. GWADLOUPEYEN ! pouki zòt ka voyé ti moun a zòt lékòl ? si sé pou dèmen yo limité yo a yenki travay tè oubyen ay sèvi manèv asi chantié san pon sékiryté .Tout sé mové pawòl la ki ka palé la si do a ayisyen pa yenki sòti an ninpòt ki gèl. Sé kolonialys la byen owganyzé , yo ni makak a yo pou fè vyé travay la , épi apwé , la'w vwè donmbwé la byen pwan , yo ka vin an Imanys (donneur de lecon) , yo ka vin an mèt , an gran papa pou réglé bab la an jan a yo . é nou gwadloupéyen nou ka pasé an zyé a tout moun kon on pèp rasis a ayisyen , é sé fwè ayisyen la ka pasé pou mwens ki moun . kolonialys la a tou ay ka pasé pou on gran Imanys. Fò nou arété sa.Nou tini on bel èkzanp a pwoblèm la sa épi on makak ki téka fè on émisyon anlè on télé sionys antigwadloupéyen anti nèg ,é kè gras a télé la sa épi on bann a béké évè blan frans y vin on bon modèl ba gwadloupéyen vèglé pa kréyòl natirèl ay kè tout moun téka konpwan kontrèwman a sé bwabwa politisyen la. makak la téka malpalé nèg an tout jan konmsi on nèg té manjé bèl manman poul blan ay . makak la téka malpalé tout sa nèg téka antrèpwann an péyi la. makak la ki pa fè 2 jou lékòl téka menm pèwmèt li dè fè révizionysm a listwa a pèp gwadloup. épi y pwan épi ayisyen évè dominiken , sa ki fè kè akòz dè makak la sa tini yonn dé kouyon ki téja paré pou té éliminé ayisyen an péyi la. Tousa fèt anba zyé a gouvènman fwansé san kè y di ahak. é apwé , la donmbwé la byen pwan , i ka vin an gran Imanis. Men la'w vwè asi déwoutwa mur o bò lari ékri blan déwo , tout sé racaille la nèg kon blan avòwté kon matrité ka lévé gawoulé pou di kè sa pa dwèt fèt , é ki yo dwètèt fann tchou a sé moun la ki komèt krim la sa. 
k nou Yé .over-blog.com
