Lantwoupwiz a nèg péyi étazini ka fè tilyly an USA :épi 89 miliaw dola gannyé é + 45% a lantwoupwiz ww An ka tann kè moun ka di , an ki jan an péyi étazini sé nèg la ni dè plis an plis lantwoupwiz , é lè-w gadé péyi fwansé sé nèg la pa tini près ahak , alòs , on kèsyon . Ès sé nèg péyi fwansé la pli kouyon ki sé a péyi étazini-la ? ès nou konnèt fè bisness ? mwen , an ka di zòt kè si y tini tousa lantwoupwiz a nèg an péyi étazini , sé padavwa yo réysi gadé chay lajan-la kè moun a kominoté a yo té gannyé . Men , kijan yo fè ? Dayèpouyonn , malgré tout sa zòt ka tann , sé nèg péyi mériken la ,enmé , é ka rispèkté kominoté a yo onlo . On dòt byten ankò , sé nèg la sa kompwann kè pou yo pésa fè kominoté a yo vansé , yo pépa ka antann asi pon dòt moun ki yo menm . Paskè , léta pa téka pwété yo lajan pou fè bisnès , é lé invèstisè (yenki blan ), pa menm palé .( Paskè an tèt a yo , nèg pa konnèt fè bisnès , é sé yenky jouwé é lanmou ki yo sav fè . Nèg pa séwyé . ) Sé la yo konpwann kè sèl pòt ki té wouvè ba yo sété yenki ispò évè mizik é si yo byzwen lajan sé sèl koté kè yo pé pwan-y . é sé konsa nou vwè onlo nèg ka fè ispò , mizik
Yo di : Y ja la , fè’y rété ! Lawvwé kominoté a nèg péyi étazini konstaté kè lajan la ki yo téka espéré-la ka vin gras a ispò évè mizik , alòs , yo di kè ,fò pa ki lajan la woupati , é pou sa fè sé nèg la mayé ou lianné antrè yo , ki yo rich , ki yo pòv . Alòs ki an péyi fwansé nou ka vwè kè sé nèg la , dèpi yo tini lajan yo ka kouwi ay chèché on moun a on dòt koulè pou yo pésa mayé , épi , la-w gadé 3 générasyon apwé , ou ka vwè lajan-la toujou la , men moun la ki tini-y-la on dòt koulè . Lajan la sa paka janmen pwofité a nèg péyi fwansé .
Alòs ki jan zòt vlé kè nèg péyi fwansé tini lantwoupwiz . Ès lèwvwè an di sa an sé on rasis ? awa. Non , paskè sé on vérité kè tout moun konnèt men yo hont di sa . K nou Yé over-blog.com |